ಅಲಕಾ ಜಿತೇಂದ್ರ - ಅಮ್ಮನ ಬಿಸಿ ಅಪ್ಪುಗೆ

ಒಲ್ಲದ ಮನಸ್ಸು ಆ ಕಂದನಿಗೆ
ಅಮ್ಮನ ಅಗಲಿ ಹೋಗಲೇಬೇಕೆ ಶಾಲೆಗೆ?
ಬಸ್ಸೇರುವ ಹೊತ್ತು,
ಕಣ್ಣುಗಳಿಂದ ಸುರಿದಿತ್ತು ಮುತ್ತು
ಕಳೆದುಕೊಂಡಂತೆ ತನ್ನ
ರಕ್ಷಾಕವಚ,
ಭಯಭೀತ ಕಂದನಿಗೆ
ಅಮ್ಮನ ಮುತ್ತಿನ ಸಾಂತ್ವನ.
ಕಂದನ ಕಳುಹಿಸಿದ
ಅಮ್ಮನಿಗೂ ತಳಮಳ
ಇನ್ನೆಷ್ಟು ಹೊತ್ತು
ಬರಲು ಶಾಲಾವಾಹನ?
ಮತ್ತೆ ಮನೆಗೆ ಮರಳಲು
ಅರಳಿವೆ ಆ ಕಣ್ಣುಗಳು
ಕಾಣುತ್ತಲೇ ಅಮ್ಮ,
ಹಾರಿ, ಅವಳ ಸೊಂಟವೇರಿ,
ಕತ್ತು ಬಳಸಿ, ಕೆನ್ನೆಗೊಂದು ಮುತ್ತು
ಅಮ್ಮನ ಬಿಸಿ ಅಪ್ಪುಗೆಯ ಸುಖ
ಕಂದನಿಗಷ್ಟೇ ಗೊತ್ತು .

-ಅಲಕಾ ಜಿತೇಂದ್ರ.